अमेरीकी दिदी बहिनी सेरेना र भेनस विलीयम्स यस वर्षो विम्बल्डन टेनीसको सेमीफाईनलमा प्रवेश गरेका छन् । लण्डनमा जारी सिजनको तेस्रो ग्रान्स्लाम विम्बल्डन टेनीस अर्न्तर्गत गएराती सम्पन्न क्वाटरफाईनल खेलमा पोल्याण्डकी एग्नेस्का राड्वान्स्कालाई ६-१ र ६-२ ले पाखा लगाँउदै भेनस विलीयम्स अन्तिम चारमा उक्लेकी हुन् । भेनसले अव सेमीफाईनलमा विश्व नं एक दिनारा साफीनाको सामना गर्नेछीन । क्वाटरफाईनलमा जर्मनीकी सविना लिसीच्कीलाई ७-५, ६-४ र ६-१ ले हराँउदै साफीना सेमीफाईनलमा पुगेकी हुन् । यता अमेरीकाकी सेरेना विलीयम्स पनि प्रतियोगीताको सेमीफाईनलमा उक्लेकी छिन् । क्वाटरफाईनण्लमा बेलारुसकी भिक्टोरीया अजारेन्कालाई ६-२ र ६-३ ले निराश पार्दै सेरेना अन्तिम चारमा पुगेकी हुन् । सेरेनाले अव सेमीफाईनलमा रुसकी एलीना डेमेन्टीभाको सामना गर्नेछीन् । इटालीकी फ्रान्सेस्का सियाभोनीलाई ६-२ र ६-२ को सेटमा पराजीत गर्दै डेमेन्टीभा सेमीफाईनलमा पुगेकी हुन् ।