कांग्रेस कार्यवाहक सभापति सुशील कोइराला र अनमिन प्रमुख करीन लेनग्रेनबीच नेपालको ब्रि्रदो शान्ति प्रक्रिया, माओवादी लडाकुको समायोजन र नयाँ सरकार गठनबारे छलफल भएको छ । कोइराला निवासमा भएको भेटमा कोइरालाले अनमिनको रोहवरमा भएका सम्झौता माओवादीले कार्यान्वयन नगरेको भन्दै अनमिनप्रति असन्तुष्टि व्यक्त गर्नुभएको थियो । शान्ति प्रक्रिया निष्कर्षा पुर्याउन कांग्रेसको पहल जरुरी रहेको भन्दै अनमिन प्रमुख लेनग्रेनले ६० हप्ते कार्ययोजना छलफलका लागि मात्र ल्याइएको र त्यो आधिकारिक नभएको स्पष्टीकरण दिनुभयो । कोइरालाले भने माओवादीले अहिले पनि हत्या, हिंसा जारी राखेकाले उसको नेतृत्वमा कुनै हालतमा पनि सरकार नबन्ने जानकारी अन्मिन प्रमुखलाई गराउनु भएको थियो ।