संविधानसभाको चुनावपछि सबैभन्दा ठूलो दल बनेको एकीकृत नेकपा माओवादी यतिबेला प्रतिपक्षमा छ । प्रधानसेनापति प्रकरणमा हठात् सत्ता छाडेपछिको यो अवधिमा सरकारमा पुग्न उस्ले भगिरथ प्रयत्न त गरिरहेको छ तर गणितीय खेलमा फसेको नेपाली राजनीतिमा ३०१ संख्या पुर्‍याउन नसक्दा सत्ता माओवादीबाट अझै टाढा नै देखिन्छ । आफ्नो नेतृत्वमा सरकार बनाउन राष्ट्रिय सरकारको अवधारणा ल्याएको माओवादीले पटक पटक आफैले शत्रुको व्यवहार गर्ने नेपाली सेनालाई पनि फकाउन थालेको छ ।