सभामुख सुवास नेम्वाङले आदिवासी जनजातिको संलग्नताकै कारण निरंकुशता विरुद्धको आन्दोलन सफल भएको दावी गर्दै नयाँ संविधान बनेपछि मात्र अहिलेको अराजकता टुंगो लाग्ने बताउनु भएको छ । नेपाल आदिवासी जनजाति विद्यार्थी महासंघको कार्यक्रममा नेम्वाङले मुलुक अब स्वायत्तता सहितको संघात्मकताबाट पछाडि हट्न नसक्ने स्पष्ट गर्नुभयो । उहाँले संविधान निर्माण प्रक्रियालाई अगाडि बढाउन सबै एकजुट हुनुपर्ने आवश्यकता औल्याउनुभयो ।